ఈ రోజుల్లో అనేక మంది కొలెస్ట్రాల్ సమస్యతో బాధపడుతున్నారు. జీవనశైలిలో మార్పులు, అనారోగ్యకరమైన అలవాట్లు, కాలుష్యం, మరియు అస్వస్థత కలిగించే ఆహారం ఎక్కువ కొలెస్ట్రాల్‌కు దారితీస్తున్నాయి. హై కొలెస్ట్రాల్‌ను డైస్లిపిడెమియా అని కూడా పిలుస్తారు. కొలెస్ట్రాల్ శరీరంలో కొవ్వుగా ఉండి, అనేక ముఖ్యమైన విధులను నిర్వహిస్తుంది. ఇది ప్రధానంగా ఆహారంలో పొందుపరిచిన కొవ్వుల ద్వారా ఉత్పత్తి అవుతుంది, మరియు కాలేయం కొంత కొలెస్ట్రాల్‌ను ఉత్పత్తి చేస్తుంది. కోలెస్ట్రాల్ రెండు రకాలుగా ఉంది: LDL (తక్కువ సాంద్రత కలిగిన లిపోప్రొటీన్) మరియు HDL (హై డెన్సిటీ లిపోప్రొటీన్). HDL మన ఆరోగ్యానికి మంచిది, దీనిని మంచి కొలెస్ట్రాల్ అంటారు. కానీ LDL ఆరోగ్యానికి హానికరం, ఇది రక్త ధమనుల్లో పేరుకుపోతుంది మరియు రక్త ప్రవాహాన్ని అడ్డుకుంటుంది. ఈ పేరుకుపోయే కొవ్వును ప్లేక్ అంటారు, ఇది గుండెపోటు మరియు స్ట్రోక్ ప్రమాదాన్ని పెంచుతుంది. చెడు కొలెస్ట్రాల్ పెరగడానికి అనేక కారణాలు ఉన్నాయి, ముఖ్యంగా ఆహారపు అలవాట్లు, ధూమపానం, మద్యపానం, మరియు వ్యాయామం చేయకపోవడం. శరీరంలో మంచి కొలెస్ట్రాల్ తగ్గి చెడు కొలెస్ట్రాల్ పెరిగితే, దాన్ని హై కొలెస్ట్రాల్ అంటారు. అయితే, ఉదయాన్నే కొన్ని అలవాట్లు పాటించడం ద్వారా కొలెస్ట్రాల్ సమస్యను తగ్గించుకోవచ్చని నిపుణులు సూచిస్తున్నారు. ఆ అలవాట్లు గురించి తెలుసుకుందాం.

**గోరువెచ్చని నీటిలో నిమ్మకాయ**

ఉదయాన్నే గోరువెచ్చని నీళ్లలో తాజా నిమ్మరసం కలిపి తాగడం, శరీరంలో నిర్విషీకరణ ప్రక్రియను ప్రోత్సహిస్తుంది. ఈ అలవాటు, జీర్ణవ్యవస్థను సక్రమంగా ఉంచడమే కాక, కాలేయాన్ని ఆరోగ్యంగా కాపాడటంలో కూడా సహాయపడుతుంది. జర్నల్ ఆఫ్ బేసిక్ అండ్ అప్లైడ్ సైన్స్‌లోని నివేదికల ప్రకారం, నిమ్మకాయలో ఉన్న విటమిన్ C, శరీరంలోని విషాలను తొలగించడంలో సహాయపడుతుంది, తద్వారా కొలెస్ట్రాల్ స్థాయిని నియంత్రించడంలో కూడా మద్దతు ఇస్తుంది.

**బ్రేక్‌ఫాస్ట్‌లో ఫైబర్**

బ్రేక్‌ఫాస్ట్‌లో ఫైబర్ అధికంగా ఉండే ఆహారాలను తీసుకోవడం చాలా ముఖ్యం. ఓట్స్, క్వినోవా వంటి ఆహారాలను అల్పాహారంలో చేర్చండి. అమెరికన్ జర్నల్ ఆఫ్ క్లినికల్ న్యూట్రిషన్‌లో జరిగిన పరిశోధన ప్రకారం, ఫైబర్ అధికంగా ఉండే ఆహారాలు కొలెస్ట్రాల్‌ను నియంత్రించడంలో సహాయపడతాయి. ఓట్స్‌లో ఉన్న బీటా-గ్లూకాన్ అనే ప్రత్యేకమైన ఫైబర్, కొలెస్ట్రాల్‌ను తగ్గించడంలో సహాయపడుతుంది. ఓట్స్ తినడం ద్వారా మంచి కొలెస్ట్రాల్ (HDL) పెరిగి, చెడు కొలెస్ట్రాల్ (LDL) తగ్గుతుంది. ఓట్స్‌తో పాటు పండ్లు, గింజలు, కూరగాయలు వంటి వాటిని మీ డైట్‌లో చేర్చడం అలవాటు చేసుకోండి.

**వ్యాయామం** 

ఉదయం వ్యాయామం చేయడం కొలెస్ట్రాల్‌ను తగ్గించుకోవడానికి ఉత్తమ మార్గం. నడక, యోగా, స్విమ్మింగ్ లేదా సైక్లింగ్ వంటి తేలికపాటి వ్యాయామాలు శరీరంలో రక్తప్రసరణను మెరుగుపరుస్తాయి, చెడు కొలెస్ట్రాల్‌ను తగ్గించి గుండెను ఆరోగ్యంగా ఉంచుతాయి. వ్యాయామం చేస్తే శరీరంలో ఎండార్ఫిన్ల స్థాయిలు పెరుగుతాయి, ఇది ఆనందాన్ని పెంచి ఒత్తిడిని తగ్గిస్తుంది. ఒత్తిడి కూడా కొలెస్ట్రాల్ పెరుగుదలకు కారణమవుతుంది.

**నట్స్, గింజలు** 

వాల్‌నట్స్, బాదం వంటి నట్స్‌లో మోనో అన్‌శాచురేటెడ్ కొవ్వులు మరియు ఒమేగా-3 ఫ్యాటీ యాసిడ్స్ ఉన్నాయి, ఇవి గుండె ఆరోగ్యానికి ఎంతో మేలు చేస్తాయి. ఈ గింజలు కొలెస్ట్రాల్ స్థాయిని నియంత్రించడంలో మరియు మంచి కొలెస్ట్రాల్‌ను పెంచడంలో సహాయపడతాయి. అందువల్ల, ఈ గింజలను మీ ఆహారంలో చేర్చండి. వాల్‌నట్‌లు మరియు బాదం యాంటీఆక్సిడెంట్లతో నిండివున్నాయి, ఇవి శరీరంలో మంటను తగ్గించడంతో పాటు రక్తపోటును కూడా నియంత్రిస్తాయి. కొలెస్ట్రాల్‌ను తగ్గించడానికి ప్రతి ఉదయం 1 చేతి వాల్నట్ మరియు బాదం తినడం మంచిది.

**గ్రీన్ టీ**

1136 మంది వ్యక్తులపై నిర్వహించిన 14 ట్రయల్స్‌లో ప్రతిరోజూ గ్రీన్ టీ తాగడం వల్ల కొలెస్ట్రాల్ స్థాయిలు 7.20 mg/dl తగ్గుతాయని నిపుణులు పేర్కొన్నారు. గ్రీన్ టీలో ఉన్న పాలీఫెనాల్స్ మరియు యాంటీ ఆక్సిడెంట్లు శరీరంలో అదనపు కొలెస్ట్రాల్‌ను తొలగించడంలో సహాయపడతాయి. అలాగే, రోజూ గ్రీన్ టీ తాగడం ద్వారా రక్త ప్రసరణ మెరుగుపడుతుంది, ఫలితంగా శరీరంలోని కొవ్వుని కూడా తగ్గిస్తుంది. గ్రీన్ టీలోని కాటెచిన్స్ శరీరంలోని కొవ్వును కాల్చి వేస్తాయి. ఉదయాన్నే గ్రీన్ టీ తాగడం వల్ల మీరు రోజంతా యాక్టివ్‌గా ఉంటారు

గమనిక: పైన అందించిన ఈ ఆరోగ్య సమాచారం మరియు సూచనలు మీ అవగాహన కొరకు మాత్రమే. ఆరోగ్యానికి సంబంధించిన ఎలాంటి సమస్య ఉన్నా, వైద్యులను సంప్రదించడం ఉత్తమం.

నిమ్మకాయతో నాన్-వెజ్ తింటున్నారా..?

ముఖం కాంతివంతంగా, తెల్లగా మెరవాలనుకుంటున్నారా? అయితే, తప్పక ఈ 5 ఫేస్ ప్యాక్స్ ట్రై చేయండి!